D'AUTRES BORDS, Orléans (d') Charles

            

                                                 

DEUX RONDEAUX

Rondeau LXIV

Quant tu es courcé* d’autres choses, (irrité)

Cueur, mieulx te vault en paix laisser,

Car s’on te vient araisonner,

Tost y treuves d’estranges gloses.

De ton desplaisir monstrer n’oses

A aucun, pour te conforter ;

Quant tu es courcé d’autres choses,

Cueur, mieulx te vault en paix laisser.

De tes levres les portes closes

Penses de saigement garder,

Que dehors n’eschappe Parler

Qui descuevre le pot aux roses :

Quant tu es courcé d’autres choses,

Cueur, mieulx te vault en paix laisser.

Rondeau LXVII

Quelque chose derriere,

Couvient* tousjours garder, (il convient de)

On ne peut pas monstrer

Sa voulenté* entiere. (volonté)

Quand on est en frontiere

De Dangereux Parler,

Quelque chose derriere

Couvient tousjours garder.

Se Pensee legiere

Veult mots trop despencer,

Raison doit espargnier,

Comme la tresoriere :

Quelque chose derrière

Couvient tousjours garder. 

Charles d'Orléans, Poésies, II, Rondeaux

Collectif. Librairie H. Champion, 1983

http://www.cosmovisions.com/CharlesOrleans.htm

http://www.crcrosnier.fr/preb07/orleans07.htm

De Mme Pilar Andrade Boué, Quelques aspects de la Merencolie de Charles d’Orléans :  http://revistas.ucm.es/index.php/THEL/article/viewFile/THEL0000110167A/33642